Kienderspellekes
op de spulplats dur seizoenen hin spulde wìj òs kiendersspel
elk spel haaj zienen aege tied en we dun ut âlt mit en hieël stel
we bândelde mit en fietsevelg of ennen echte bândel òk
we dun dat mit ennen bândelring of gewoeën mit ennen höltere
stok
en laendje pik dat wier gedaon mit enne spieker of de knip
totdat ge zelf niemer kost staon op ow aege laendjestip
we schupte buske mit verstop op de speulplats van de schôl
en kregen dommit hendig ut speulkwetierke vol
de knikkers van glas of òk van lieëm die toekten we ut lötske ien
mit wiēsvinger of doem en wonne dur dan en stuk of tiēn
zoeëwe spulden we dur de seizoenen hin en wòn mit âltjaor klaor
we begòsse wir van veuraf àn ien’t begin van ut nijje jaor
Geef een reactie