Gedicht oud-Oirlonaar Bert Arts in het Oirlose dialect.
Wie zien afkomst wil verbloeme, git behuuëlek in de “fout”.
Wen kiekt mar nor de “High Society”, dat is alles toch már “klatergold”.
Ze doën nog deftiger as deftig, zien verwánd tot óp d’n bot.
As ge ze ziet roondflánieëre, láchte ow maej half kepot.
Golde ringe an de oeëre, diamánte kralle um de nek.
Eur tiete hánge half nor buute, ’t liekt krek ‘n háffel mámmaspek.
Worre ze már gewoeën gebleve, vur ieënvoud is ’t noeëts te vroeg.
Wet geej kent toch ’t gezegde: “doe mar gewoeën, dan doede gek genoeg”.
Geef een reactie