Ut Aostrums stetion
vroeger hàdde ien hieël veul dörpe zó’n âlderwets stetion
ien aostrum stoontur ók zoeëwe en mit en opeluchtperron
mar ut was te klèn, dat wier gezeed, of ut was vort uut den tied
dus ur wier geslòpt en vervangen dur, wat ge host ovveral ziet,
zon plat geval, veul raam en licht, mar nie karakteristiek
stetion aostrum-venroj, zoeëwe as ut was, dat haaj nog romantiek
de geur van stoeëm, van kole, òllie en de biels won nog van hôlt
net as de baenk van de derde klas, d’r was daor niks van gôld
mit harde bille gingde op vendele an dat was vur òs de stad
wohhin ge gingt asge koeëpe wòt watge ien ow dörp nie hádt
ik was er duk, op dat moj stetion, as ik kwaam of as ik gong
van doonderbeej of wied’e’weg wat was ik toen nog jòng
Geef een reactie