Oeldere kermes zuffentig jaor geleeje
vanmiddeg gaon we naor de kermes guns aachter bìj ut voetbalveld
veuraan stöt camps mit ziene snoepkraom waor ge mit ow kermesgeld
mot kieze uut van alles lekkers, nooga, drop of soekerspin,
keniejlstok, lollies groeëte. klaene en aegelek hedde ien alles zin
mar ge motter ok nog kartjes koeëpe vur schommel, zweef of paerdjespeul
‘t was mieër dan zat vur Oeldere kermes mar verder stoonter nie zóveul
vur de grottere minse kwaam er ok nog ellek jaor uut siebengewald
en flinke tent mit en echt orkesje vur ieder den van dânse hâlt
de megjes zaate ien coupeetjes te waachte op ut startsignaal
en de jonges die kwaame angevloge vanaf den tap aachter ien de zaal
ut ging der op van wals of foxtrot, veleta, polka, vuggelkesdâns
en al koste gaanie zò goed dânse ge hàd messchien toch kâns òp sjans
zoeéwe was ter toen mit oeldere kermes vier daag lang vur iederieën wat
van smiddegs ieën tot ien den den aovend hebbe groeët en klaen dao schik gehad
Geef een reactie